auf Hochdeutsch

Bunneshauptstadt in den Naturschutz

Wettbewarf Bunneshauptstadt in den Naturschutz

Eckernföör is de 3. Platz bi den Bunneswettbewarf in den Naturschutz 2007 tospraken worrn. De Loffreed (Laudatio) will noch eenmol tosamenfaten, wat bitherto över denEckernförer Insatz för den Naturschutz seggt un schreven worrn is. Dit hier is en Kortfaten:

Dat sünd de Grünnen för de Utteken:

Stadtplanen un Naturschutz

In Eckernföör gellt de Grundsatz „Naturschutz vor Naturnutz“.

In de Buleitplanen warrt dat umsett, jümmers op de Söök na de Lösen, de för de Umwelt de verdräglichst is. Al 1985 is de Flächennutzungsplaan vun Grundop ännert un op den Weg bröcht worrn. Naturschutz un Weertschop höört tosamen, eendoont wat de politischen Mehrheiten wesselt oder nich. Dordörch warrt Naturrüüm, de dünn seit sünd, vör dat Utstarven wohrt un sogor opweert, un de Minschen findt hier Rebeten, wo se sik erholen köönt. Luftbildopnahmen ü. a. vun Bulücken sünd Dele vun de Planungsinstrumente bi de Organisatschoon, för de de Stadt en hoge Punkttall kregen hett.

Kommunale Gröönflächen

För dat Projekt "Natturspielfläche-Schuch-Gelände" is de hööchste Punkttall vergeven worrn. Dat braak liggen Land vun de ehemolige Iesenworenhandeln Schuch, de hier en lütte Ewigkeit to Huus ween is, is in en 1,6 ha grote Naturspeelflaag mit Heckenlabyrinth, Bolzplatz, Waterspeelplatz un Klattergoorn umwannelt worrn. Um un bi 7000 qm sünd opto nie anleggt worrn. De gröne Frietietflaag liggt noch in`t de Satdtrebeet un warrt vun Kinner un wussen Lüüd goot annahmen. 

Seen, Tümpels, Beken (Gewässer)

Över den "Oberen Eimersee" (Ammersee) is al ünner 2.8. 1 dat en un anner seggt worrn. He is enVörwiesprojekt blangen en Reeg vun hoochweertige Naturschutzvörhebben, de bitherto umsett worrn sünd. De 1,5 ha grote See is för en Barg Vagelaarten, sünnerlich för Aanten- un Höhnervagels, en nie Levensruum worrn. Ok Bekassine, Dwargdükers (Zwergtaucher) un Roothalsdükers (Rothalstaucher) sünd hier sehn worrn, bi dat Karteren ok Eerdkröten (Erdkröten), Gras- un Moorpögg (Gras- und Moorfrösche) un Poolmolche (Teichmolche).

De Münden vun den Lachsenbeek föhrt bi de Promenaad vun dat Över in de Föör un is bit 2002 verrohrt worrn. Nu, mit de Ranatureren, warrt Börgers un Touristen wies, wat hier ökologisch in de Gangen sett worrn is. Dor sorgt Henwiesschiller un Peddsteens för, de över den Beek anleggt worrn sünd.

Stadtmarketing un Umwelt

Dat in Eckernföör de Begrepen Ökologie un Ökonomie, de sik egens gegensiedig utsluten müssen, tosamenhöört, dor sorgt ü. a. ok dat Stadtmarketing för, un twors ünner dat Motto: Warven nich blots mit de Natur, nee jüst so ok för de Natur. Nich blots de Börgers schüllt jieperig na Natur un Umwelt warrn, ok de Weertschop schall un kann dat Ansehen vun Eckernöör as umwelt- un naturschutzfründliche Stadt nütten. In’t TÖZ (Technik- und Ökologiezentrum) warrt junge Ünnernehmer ünner de Arms grepen, wenn se Bedrieven grünnen wüllt.

Umweltbiden un Tourismushölp (Förderung)

Eckernföör lückt dat, tosamen mit Naturschutzverbännen un Verenen vör Oort, Maatnahmen as de Pleeg vun Streuaaftswischen un Fuuchtrebeten op den Weg to bringen. Bispillhaft hölpt dat Oostsee Infocenter mit, dat Johr för Johr twischen 20.000 – 40.000 Besökers de Umwelt mit all Sinnen beleven köönt. De Stadt ünnerstütt disse Inrichten.

 Veranstalten

De Stadt Eckernföör bütt in’t Johr um un bi 160 Veranstalten rund üm dat Rebeet "Natur un Umwelt" an. Hölpen doot ehr dorbi dat Umwelt Info Zentrum un de Verbännen. För dissen groten Insatz hett dat den drütten Platz in de Deelnehmerklass 10.000 – 30.000 Inwahners geven.