Opgaven vun de Verwalten

De Opgaven laat sik so indelen: 

•  Friewillige Sülvstverwaltensopgaven

Bi disse Aart vun Opgaven –Bökerien, Theoters,Swemmbäder, Olen- un Jugendheime – köönt de Gemenen alleen entscheden, of un woans se disse Opgaven in de Reeg bringen wüllt. 

• Plichtige Sülvsverwaltensopgaven

Bi disse Opgaven warrt dörch Gesett bestimmt, wat en Gemeen to doon hett, wenn dat hierför en Nafraag gifft. Dorbi warrt ehr en wisse Speelruum bi’t Umsetten inrüümt.

Bispills: Schooldrägerschop na dat Schoolgesett, Stratenbu na dat Straten- un Weeggesett un de Füerschutz na dat Brandschutzgesett. 

•  Opgaven na Anwiesen

Hierbi hannelt sik dat um Opgaven, för de egens de Staat tostännig is. Mennigmol aver is dat sinnvuller, Opgaven op de Gemenen to överdrägen, to’n Bispill wenn dat dor um geiht, Gefohren aftowehren, bi de Buopsicht un bi’t Standesamt. In disse Fäll is de Börgermseiter an Wiesen vun baven bunnen.

Siet 1990 mööt de Gemenen, de mehr as 10.000 Inwahners hebbt, en hauptamtliche Gliekstellensbeopdragte instellen. Se schall dorför sorgen, dat de Gliekberechtigen vun Mann un Fru nich blots op dat Papier steiht, sünners dagdääglich ümsett warrt.