Wunschzeddelakschoon

Eenmol in’t Johr, to Wiehnachten, heet dat bi dat Lokale Bündnis: "Wünsch di wat"… All Kinner ut Eckernföör, de dat nich so goot geiht, köönt denn op en Zeddel schrieven, wat se sik to Wiehnachten wünschen doot.

Dat dörft aver nich dürer as 25 Euro ween. De Öllern mööt sik in’t Servicebüro vun dat Lokale Bündnis melln un en Inkamensnawies vörleggen, wo binnen steiht, dat se Arbeitslosengeld 2, Sozialgeld, Sozialhölp oder en Stütt för "Bildung un Teilhabe" betrecken doot. Jedereen, de en vun disse Kinner sien Wunsch erfüllen will, kann sik den Wunschzeddel in’t Servicebüro afholen, dat Geschenk besorgen, wiehnachtlich inpacken un in’t Büro afgeven. De Geschenken warrt denn in de Week vör Wiehnachten an de Kinner / Öllern utgeven. Disse Akschoon warrt vun vele Börgers mit groten Erfolg ünnerstütt. De Stadt Eckernföör bedankt sik Johr för Johr bi all de Hölpers för jemehr bispillhaften Insatz.