Plaanspeel "Junge Lüüd in`n Raat"

In uns Leven speelt de Politik en grote Rull.
Dorüm is dat wichtig, dat junge Lüüd al fröhtiedig lehrnt, woans dat to‘n Bispill in de Kommunalpolitik togeiht.
Sodennig fallt se dat denn lichter, dor aktiv mittomaken.
Uns Plaanspeel,, Junge Lüüd in‘n Raat“ bütt jem de Schangs, sik mit Inholt un Aflööp in de Kommunalpolitik vertruut to maken.
So‘n Aart Naspelen vun en Raatsversammeln hölpt, politische Entscheden beter to verstahn.
Opto köönt se jemehr egen Fragen un Ideen miteenanner, vör allem aver mit aktive Maten ut den Raat diskereren un dorbi ok Beslüss faten.
,, Junge Lüüd in‘n Raat“ föddert de Opmarksamkeit för Politik, gifft de Mööglichkeit, sik aktiv an‘t Leven in de Gemeen to bedeligen un de egen Verantwoorten in de Sellschop to övernehmen.

Teelgrupp

Schölerinnen Schöler af 15 Johren( Anmelln över de Scholen)

Afloop

Na en Begröten dörch den Börgervörsteher vun de Stadt Eckernföör gifft dat en korte Inföhren in de Grundlagen vun de Kommunalverfaten: sünners in de Opgaven un de Arbeit vun de Raatsversammeln un de Geschäftsornung.
Dorna wählt de jungen Lüüd en Vörsitter/in( Börgervörsteher/in).
De hett nu dat Leit vun de Verhandeln.
Nu fangt de Arbeit an.
Gemeensam warrt de Vörslääg, de behannelt warrn schüllt, utsöcht un je na Themen op de enkelten Arbeitsgruppen verdeelt, de dor nu unafhängig vuneenanner över diskereert, sik beraat un op‘t letzt Beslussvörslääg entwickelt.
Jeedeen Arbeitsgrupp wählt en Spreker/in.
De driggt dat Ergeevnis vun de Utspraak un de Beslussvörslääg vör.
De Junge-Lüüd-Raatsversammeln stimmt dor denn över af Beslüss.

De Beslüss

Dat, wat hier beslaten worrn is, warr in de tokamen Drepen vun de Fachutschüss beraden.

Termine

De neegste Junge - Lüüd-Raatsversammeln is Dingsdag, de 28.3.25 .