auf Hochdeutsch

Wat de Stadt Eckernföör för de Utbilden vun junge Lüüd deit

Schön, dat wi Se op uns Informatschoonssieden begröten dörft. Villicht hebbt wi Ehr Interesse an en Utbilden bi de Stadt Eckernföör rutketteln kunnt.

Utbilden to’n Verwaltensfachangestellten, Fachricht Kommunalverwalten

Instellenstermin is jümmers de 1. Augustmaand. De Utbilden duert 3 Johr, kann aver ok körter ween, wenn Se sik bi de Utbilden orrig in’t Tüüch smieten doot.

Wat för en Schoolbilden mööt Se mitbringen?

Dat mutt tominnst de eerste allgemeenbilden Schoolafsluss ween. De Utbilden löppt op twee Schenen (Dat’s dat Duale System). Dat Praktische lehrt Se in de Stadtverwalten, dat Fachlich-Theoretische in de Kreisberoopschool in Rendsborg in enkelte Blöck un an de Verwaltensschool in Bordesholm, wo dat en längeren Inföhrens- un Afslusslehrgang gifft. För de praktische Utbilden mööt Se, na en fastleggten Plaan, de Ämter Hauptamt, Sozialamt, Buamt un Ornensamt dörchlopen, dor geiht keen Weg an vörbi.

Utbilden to’n Butekner/sch

Ok hier is de Termin för de Instellen de 1. Augustmaand, und dat all 3 Johr. De Utbilden duert, as bi de Verwalten, 3 Johr un kann ok körter ween.

Wat för en Schoolbilden mööt Se mitbringen?

(As bi de Verwalten)

Woans löppt de Utbilden af?

Se warrt in’t Stadtbuamt in de Hoch- oder Deepbuafdelen utbildt. To’n Beroopschoolünnerricht mööt Se na Rendborg to’n Blockünnerricht. Opto warrt Se noch Kenntnisse in överbedrievliche Lehrgängen vermiddelt, de Se as Butekner/sch bruukt.

Utbilden to’n Gorner/sch

Instellen, Schoolbilden un Duer vun de Utbilden as bi de Verwalten un Butekners.

Utbildt warrt Se in de Gornerie vun de Stadt. Opto mööt Se Lehrgänge un den Ünnerricht in de Beroopschool in Kiel besöken.

Utbilden to en Fachkraft för Afwatertechnik

Wat för en Schoolbiden verlangt wi?

Tominnst en gode eerste allgemeenbilden Afsluss.

Termin för de Instellen: All 3 Johr to’n 1. Augustmaand, Duer

3 Johr, kann körter ween.

Woans löppt de Utbilden af?

Se warrt praktisch in dat Klärwerk vun de Stadt utbildt un theoretisch blockwies an de Beroopschool in Niemünster. Opto mööt Se an Lehrgänge för de Afwatertechnik deelnehmen.

Dat allens geiht an de Stadt Eckernförde, Hauptamt, Rathausmarkt 4-6, 24340 Eckernförde

Vergeet Se nich: De Frist för de Bewarven löppt an den 31. Julimaand för dat tokamen Johr af. Bispill:

Beginn vun de Utbilden: 1. August 2018, Frist löppt an den 31. Juli 2017 af.

Un noch wat: De Stadt Eckernföör will ehrn Bidrag leisten, wat de Fruunsfödderplaan bi de Gliekstellen vun Mann un Fru ümsett warrt. Sworbehinnerte warrt bi glieket Könen vörtrocken.