auf Hochdeutsch

Stadtleitbild

Dat gifft en Krink vun Börgers, de arbeit an en "Stadtleitbild" för Eckernföör. Se maakt sik dor över Gedankens, woans sik disse schöne Stadt wiederentwickeln kann un schall. Jemehr Motto heet: Oostseebad Eckernföör – Levensfreud as Sand an‘t Meer.

Hierto stellt se söven (7) Busteden tosamen:

* De Stadtplanen sorgt dorför, dat Eckernföör as Seestadt eenmolig blifft.

* Eckernföör schütt un verbetert Natur un Umwelt.

* Eckernföör freut sik op sien Gäst.

* Kultur as in Eckernföör gifft dat annerwegens so nich.

* Eckernföör deit Lief un Seel goot.

* Eckernföör is fründlich, lebennig, treckt de Minschen an. Dat lohnt sik un maakt Spoß, hier to arbeiten.

* Eckernföör – dor kann en to jede Dag- un Nachttiet henkamen.

 

Dit Leitbild is vun den Hannels- un Verkehrsvereen un de Raatsversammeln annahmen worrn un dat gifft dat as Foltblatt in Raathuus.
Dat warrt, na en Besluss vun de Raatsversammeln vun den 9. November 2006, stüttig op den niesten Stand bröcht.