auf Hochdeutsch

Planen-un Gestaltensbiraat bi de Stadt Eckernföör

An den 18. Februarmaand 2013 hett de Eckernförer Raatsversammeln en Planen- un Gestaltensbiraat bi de Stadt beslaten, gliektiedig dormit en Geschäftsornen.

Opgaven vun den Biraat

De Biraat schall, wenn em de Buutschuss oder de Börgermeister(sch) dorto opföddert, to all de wichtigen Fragen vun de Stadtentwickeln en gootachterlichen Raat geven. Dat is nödig bi disse Opgaven:

a) Vörslääg, de mit hölpt, dat dat Stadtbild dörch Buen schöner un nich verschannelt warrt.

b) Vörslääg för Utnahmen un Befrien vun Setten (Satzungen)

c) Mitarbeit un Raat geven, wenn’t dorum geiht, Setten mit burechtliche Inholte optostellen.

d) Mitarbeit för Planen, de in de Maak sünd.

e) He schall mit Raat un Daat hölpen, Wettbewarven un Gootachterverfohren vörtobereiten un dörchtoföhren.

f) Dat gellt ok för dat Planen un Beraden vun Landschops- un Gröönflächen un Verkehrsplanen

 

Bi all dat schall he dor Anregen för geven, woans noch beter un sinnvuller plaant warrn kann.

Wasück sik de Planen- un Gestaltensbiraat tosamensett (Na § 2 vun de Geschäftsornen)

Dor mööt bi ween:

1. En Stadtplaner/sch

2. En Landschopsplaner /sch

3. Dree Architekten/innen, de Hoochbu/Architektur studeert hebben mööt. All mööt se de Berechtigen as Fachpriesrichter/sch hebben.

Opto nehmt deel:

1. De Börgermeister/sch

2. De Vörsitter/sch) vun dat Eckerförer Buamt oder de Stellvertreder/sch

Termine

De Biraat kummt eenmol in’t Veerdeljohr tosamen. De Termine mit den Afloop warrt in de Zeitungen un in’t Raatsinformatschoonssystem bekanntgeven.