auf Hochdeutsch

"Levensfreud as Sand an’t Meer"

dat is dat Motto vun Eckernföör.

Wannerer, kümmst du na Eckernföör – bi Schiller in sien "Spaziergang" 1795 heet dat "na Sparta" – findst du op den Weg dorhen en wunnerbore lanschopli Ümgegen vör, en Havenstadt, de de Minschen vun överall her antreckt. Disse Stadt, de mehrmals för ehr Ümweltarbeit uttekent worrn is, bütt en groten Rükelbusch an Anbotten för Sport, Sellschop un Kultur. Eckernföör is eenfach to’n Leevhebben, opto de "Stadt mit de korten Padden". In de Binnenstadt sleit un kloppt dat Hart vun Eckernföör, vun hierhen na den kurtaxenfrien Strand un den Fischeriehaven sünd dat man blots en poor Schreed. Siet 1994 is Eckernföör "Bundeshauptstadt für Natur und Umweltschutz". Dat’s en vun de Utteknungen, de de Stadt todacht worrn is för dat stüttige Bemöhen wiet över den Dag rut. Holt Se sik Utkunft bi uns över Eckernförer Ideen un Projekte, över de sik sogor Minschen vun Washington bit Tokio künnig maken doot. Al tweemol na 2012 is Eckernföör Fairtrade-Stadt worrn, siet dörtig Johren warrt hier gerecht hannelt. Gaht Se den Link op uns Internetsiet eenfach mol na, denn kriegt Se över dit Vörhebben mehr to weten.

Wi laadt Se in, uns scharmante un lebenni Eckernföör kennentolehren. Dorbi warrt Se gau faststellen, dat uns schöne Oostseestadt wiet mehr beden deit as en Tohuus.